Ұстаздар күні. ДТІЖО Нургалиев Е

Ақырын жүріп,анық бас,

Еңбегің кетпес далаға.

Ұстаздық қылған жалықпас ,

Үйретуден балаға.— деп ұлы ақын 

Абай Құнанбайұлы айтқандай,  ұстаз—ұлы тұлға. Мектебіміздің оқушылары барша ұстаздарды келе жатқан ҰСТАЗДАР КҮНІМЕН құттықтап,  өлең жолдарын арнады.

Ұстаз болу-жүректің батырлығы,      

Ұстаз болу-сезімнің ақындығы, 

Ұстаз болу-мінездің күн шуағы,

Азбайтұғын адамның алтындығы-деп ақын Ғ.Қайырбеков жырлағандай, сөзі маржан үні ән ұстаздардың бар болғанын мақтаныш етеміз.

Осы ұстаздар жайында халқымыздың ұлы батыры Бауыржан Момышұлы "Ұстаздық-ұлық емес, ұлы қызмет.  Себебі, ұрпақтарды ұстаз тәрбиелейді. Болашақтың басшысын да, данасын да, ғылымын да, еңбекқор егіншісін де, кенншісін де ұстаз өсіреді...

Өмірге ұрпақ берген аналарды қандай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз" деген. Осындай жолы мен жөні бөлек аяулы ұстаздарымыз-шәкірттерінің мақтанышы ғана емес, бүкіл ел мақтанышы!